PANTALLA DO SANTI (SANTIAGO MARTINEZ SANTANA) ANO 1991.

Santiago Martínez Santana, Santi, e as súas Pantallas dan para un monográfico. Leva moitos anos facendo Pantallas e a súa pegada é importante dende os anos oitenta do século pasado. Contando coa amabilidade da xente que me empresta as Pantallas iremos vendo a evolución que van tendo as súas Pantallas ao longo do tempo. É un traballo ben bonito describir con obras o importante legado deste artesán da nosa máscara. E non só de Santi temos que falar, tamén de Aurora a súa compañeira de vida, que colabora na elaboración das máscaras e que desenrola un traballo moi importante no remate das máscaras.

Esta Pantalla é do ano 1991, ten na acutalidade 34 anos, e está nun perfecto estado de conservación. Podería sair ás rúas de Xinzo novamente para facer disfrutar ao seu dono, ou descendentes, do entroido en plenitude.

É propiedade de Javier Conde e chega a nós pola mediación de Martín Domínguez.

A PANTALLA.

O perímetro da cara é de 33,50 cm. Da fronte ao queixo mide 19 cm. 

A BARBA.

A barba sae da base das orellas. A barba é de cor negra. Ten unha patilla a cada lado da cara, a barba do queixo e dúas correas. 

PATILLA DEREITA.

Da base da orella sae unha correa de 3,10 cm. de longo e 1,60 cm. de ancha. A patilla ten un longo de 7,10 cm. A parte máis alta ata o floco mide 5,60 cm. A parte estreita da barba do queixo mide 1,90 cm.

PATILLA ESQUERDA.

Da base da orella sae unha correa de 3,10 cm. de longo e 1,60 cm. de ancha. Ten un longo de 5,50 cm. A parte máis alta ata o floco mide 5,10 cm. A parte estreita do lado da barba do queixo mide 1,50 cm.

O QUEIXO.

De alto dende o floco mide 4,20 cm. De longo mide 8,10 cm. A barba está a 1,40 cm. da boca.

A BOCA.

A boca é de cor vermella e a pintura sobresae dos beizos. Ten de longa con pintura 6,20 cm. A abertura máxima con pintura é de 1,30 cm. O ancho do labio superior é de 2,30 cm. e do labio inferior é de 2 cm. O burato da boca ten 0,60 cm. de alto e de longo mide 5 cm. A distancia ao floco é de 6,30 cm. Ata o fondo do papo mide 9 cm.

O BIGOTE.

O bigote é de madeira e vai cosido á cara. As puntas están lixeiramente reviradas cara arriba. Mide de longo 6,40 cm. e de groso entre os 0,50 cm. e os 0,60 cm. Está a 0,70 cm. da boca e a 0,40 cm. do nariz. De punta a punta o bigote mide 9 cm. 

OS COLORETES. 

Os colorentes son vermellos, mais cunha cor máis alaranxada que o vermello que se emprega nos resto dos elementos da máscara. Son pequenos, teñen 0,60 cm. de diámetro . A separación entre eles é de 6,50 cm. A separación da base do nariz do colorete dereito é de 1,90 cm. e do ollo está a 1,90 cm. No colorete esquerdo a separación da base do nariz é de 1,90 cm. e do ollo está a 1,70 cm.

O NARIZ.

O nariz é triangular dun só burato. O nariz mide de longo 3,50 cm. De alto mide 2,90 cm. ata a base. De ancho mide 3,20 cm. O burato do nariz mide de ancho 0,90 cm. e de alto mide 1 cm. De groso mide 1 cm. na punta do nariz e nos lados mide 1,50 cm. Por dentro está pintada de vermello, na base 2,10 cm. e de alto 2 cm.

OS OLLOS.

O ollo dereito mide de longo 4,30 cm. De alto mide 2,40 cm. coa pintura. O burato mide de longo 3,30 cm. e de alto mide 1,30 cm. O ancho da pálpebra de arriba é de 2,50 cm. e ten 11 pestanas. O ancho da pálpebra de abaixo é de 1,70 cm. e ten 7 pestanas. 

O ollo esquerdo mide de longo 4,50 cm. De alto mide 2,40 cm. coa pintura. O burato mide de longo 3 cm. e de alto mide 1,10 cm. O ancho da pálpebra de arriba é de 3 cm. e ten 11 pestanas. O ancho da pálpebra de abaixo é de 2,30 cm. e ten 9 pestanas.

Os ollos están pintados por dentro. A parte de arriba dos ollos está pintado entre os 0,80 cm. e os 1,20 cm. A parte de abaixo está pintado todo o ancho.  

AS CELLAS.

Son de cor negras. Están pintadas por riba dos ollos e no lado das orellas reviran cara o interior. 

A cella dereita mide de longo 4,60 cm. e de ancha mide 0,20 cm. no arranque do lado do nariz é un pouco máis ancha 0,30 cm. Do ollo está a 0,50 cm. e a punta de fóra está revirada cara o interior a 0,90 cm. do ollo. 

A cella esquerda mide de longo 4,20 cm. e de ancha mide 0,30 cm. no arranque do lado do nariz é un pouco máis ancha 0,40 cm. Do ollo está a 0,30 cm. e a punta de fóra está revirada cara o interior a 0,60 cm. do ollo.

AS ORELLAS.

As orellas están feitas de feltro. A parte de fóra das orellas está separada.

O CORNO.

O corno ten o rizo do modelo antiguo.

As medidas do corno son:

Dende o punto máis alto ata o pano debaixo das orellas mide 29,50 cm.

O longo do faldón dende debaixo das orellas mide 23,50 cm.

O ancho da parte media dende á punta do rizo mide 33 cm.

O rizo mide de ancho 8,50 cm. e de alto 6 cm. 

O bordo é do cor dourado de entre 1 cm. e 1,80 cm. de ancho. A parte de atrás das orellas está casi toda pintada e mide 3,80 cm. na orella esquerda e 2,50 cm. na orella dereita. No faldón mide entre 1,60 cm. e 2,20 cm. Na parte do corte en diagonal 3,40 cm. O triángulo por riba da cara mide de lado 6 cm. e de base 8,60 cm. 

LADO DEREITO.

O fondo é azul con estrelas douradas. En menor medida puntos dourados máis grandes. De cor dourada é tamén unha estrela de 1,10 cm. de diámetro. Tamén aparecen puntiños brancos e amarelos.

O motivo principal é un sol de cor amarelo e vermello de 23 raios de diferente tamaño. O máis pequeno mide 1,50 cm. e o máis longo mide 11 cm. Este último ten unida unha parte de cor vermella con dúas ramificacións. A do lado dereito ten un só raio e o da esquerda ramifica en 3 raios. Continúa cun raio ondulado de 1,13 cm. ata o centro do raio vermello que ten 5,80 cm. No rizo hai unha estrela de cor vermella e amarela con 10 raios. A estrela ten de diámetro 3 cm.

LADO ESQUERDO.

O fondo é azul con estrelas douradas, vermellas, amarelas e brancas. O motivo principal é unha lúa con cores misturadas, amarela, dourada, vermella, branca, verde e azul. De punta a punta mide 8,20 cm. e 9,80 cm. de alta. De ancha mide 3,50 cm. Pola parte superior do corno temos uns raios de cor amarelo, vermello e branco. Á dereita da lúa temos unhas figuras que semellan papaventos. O que está máis preto da lúa, de cor amarela, ten asociado unha figura de 6 raios con distintos graos de ondulación. Algúns deles teñen puntiños de cor vermello entre eles. A outra figura de papaventos está pintado de cor amarela e vermella. Debaixo da lúa temos seis liñas vemellas. No medio da lúa aparece unha figura de catro brazos, un deles ondulado de cor amarelo e vermello. Ao redor seis puntiños vermellos rodeados de 6 puntiños amarelos menos un que ten 4 puntiños amarelos. No rizo aparece unha estrela de catro puntas de entre os 1,90 cm. e  os 2 cm. de lado. É de cor vermella e amarela. Por todo o corno temos puntiños de varios tamaños de cor branco, vermello, laranxa, amaralo e dourado.

O pano é de cor vermello e non ten picado. De longo mide 59 cm. e de ancho 54 cm. Ten forma de serra na parte de abaixo e nos laterais (a 39 cm. do faldón). Os triángulos que forma a parte de serra miden 2,50 cm. de lado e 0,70 cm. de base. 

O FLOCO.

O floco é de cor dourado. Mide 34 cm. ao redor da cara. De longo mide 10 cm.      

A Pantalla pesa 650 gr.

Algunhas fotos do interior da cara.

  

Na parte interior do corno figura o nome da persoa propietaria da Pantalla.

Moitas grazas a Martín Domínguez, a Javier Conde, e xs compañeirxs de A Palleira. 

PANTALLA DE JESUS ROMERO FEITA POR JULIO VILLARINO.

Esta Pantalla fíxoa Julio Villarino para Jesús Romero. Arranxouna cunha pinturiña Alfonsito Villarino e finalmente José Antonio "Cuco" deulle un último retoque que a deixou como está agora. A Pantalla calculamos que é da década dos anos cincuenta do século XX. Pola data de nacemento de Jesús incluso podemos pensar en atrasar a data un pouco máis. Falamos dunha Pantalla con 75 anos.

A Pantalla deixama a filla de Jesús Romero, Maria Jesús Romero Alcón, "Chus". Nos anos oitenta do século pasado saímos xuntos de Pantalla con máis compañeiros e compañeiras. Tivo esta Pantalla o deseño das línguas que naquela altura levabamos todos no corno. Creo recordar que nos xuntabamos nunha casa que tiña o Porto na rúa Rosalía e que alí foi onde pintamos as Pantallas. O de xuntarse para pintar as Pantallas tamén é algo que se perdeu. Era a academia onde facer e arranxar as Pantallas, cada un a súa, pero contando coa axuda dos compañeiros e compañeiras. Era un elo de unión moi forte que despois se reforzaba na rúa os días de entroido trouleando coa Pantalla. E non só se apredía como empapelar e pintar a Pantalla, tamén de como debe comportarse e como actuar en cada momento unha Pantalla. 

Para min un dos mellores momento de sair coa Pantalla era cando formabamos un círculo e bailabamos uns cara os outros sen deixar que nada nin ninguén se metese polo medio, era "o intre" de unión único e máxico. 

Foi moi emotivo recordar aqueles tempos.

A PANTALLA.

O perímetro da cara é de 35,50 cm. Da fronte ao queixo mide 21 cm. 

A BARBA.

A barba sae da base das orellas. A barba é de cor negra. Ten unha patilla a cada lado da cara e a barba do queixo. 

PATILLA DEREITA.

Ten un longo de 9,60 cm. A parte máis alta ata o floco mide 7 cm. A parte estreita do lado da orella mide 4 cm. A parte estreita da barba do queixo mide 1,70 cm.

PATILLA ESQUERDA.

Ten un longo de 9,30 cm. A parte máis alta ata o floco mide 5,60 cm. A parte estreita do lado da orella mide 2,90 cm. A parte estreita do lado da barba do queixo mide 1,30 cm.

O QUEIXO.

De alto dende o floco mide 5,60 cm. De longo mide 10,70 cm. A barba está a 1,10 cm. da boca.

A BOCA.

A boca é de cor vermella e a pintura sobresae dos beizos. Ten de longa con pintura 8 cm. A abertura máxima con pintura é de 1,50 cm. O ancho do labio superior é de 1,70 cm. e do labio inferior é de 1,50 cm. O burato da boca ten 0,60 cm. de alto e de longo mide 5,70 cm. A distancia ao floco é de 6,70 cm. Ata o fondo do papo mide 7,70 cm.

O BIGOTE.

O bigote está pintado de cor negro. Está dividido en dous tramos. O tramo dereito mide 4,40 cm. de longo e 0,60 cm. de ancho, na punta mide 0,10 cm. Con relación á boca o lado máis cercano está a 0,30 cm. e dende a punta do bigote está a 0,60 cm. Do nariz está a 0,50 cm. O esquerdo mide 4,10 cm. de longo e 0,60 cm. de ancho, na punta mide 0,10 cm. Con relación á boca o lado máis cercano está a 0,40 cm. e dende a punta do bigote está a 0,90 cm. Do nariz está a 0,50 cm.  

De punta a punta o bigote mide 9 cm. A distancia intermedia entre as dúas partes é de 0,50 cm.

OS COLORETES. 

Os colorentes son vermellos. Teñen de diámetro 1,20 cm. o colorete dereito e 1,30 cm. o colorete esquerdo. A separación entre eles é de 6,20 cm. A separación da base do nariz do colorete dereito é de 2,40 cm. e do ollo está a 1,30 cm. No colorete esquerdo a separación da base do nariz é de 2,40 cm. e do ollo está a 1,10 cm.

O NARIZ.

O nariz ten dous buratos. O nariz mide de longo 3,20 cm. De alto mide 3 cm. ata a base. De ancho mide 3,80 cm. O burato do nariz da dereita mide de alto 2 cm. e de ancho 0,70 cm. O burato da esquerda mide de alto 2 cm. e de ancho mide 0,60 cm. O tabique mide de ancho 0,70 cm. e os dous laterais miden de ancho 0,60 cm. O nariz está pintado de vermello por dentro e non sobresae a pintura cara fóra.

OS OLLOS.

O ollo dereito mide de longo coa pintura 4,50 cm. De alto mide 2,60 cm. coa pintura. O burato mide de longo 4,10 cm. e de alto mide 2,20 cm. O ancho da pálpebra de arriba é de 0,70 cm. e non ten pestanas. O ancho da pálpebra de abaixo é de 1 cm. e non pestanas. 

O ollo esquerdo mide de longo con pintura 4,50 cm. De alto mide 2,70 cm. coa pintura. O burato mide de longo 2,30 cm. e de alto mide 2,40 cm. O ancho da pálpebra de arriba é de 0,60 cm. e non ten pestanas. O ancho da pálpebra de abaixo é de 0,90 cm. e non ten pestanas.

Os ollos están pintados por dentro. Na parte de arriba dos ollos está pintado entre os 0,80 cm. e os 1,20 cm. Na parte de abaixo está pintado todo o ancho.  

AS CELLAS.

Son de cor negras. Están pintadas por todo o bordo da parte superior do ollo.

A cella dereita mide de longo 7,60 cm. e de ancha mide 0,50 cm. Do ollo está a 1,10 cm. e as dúas puntas están reviradas cara o interior. 

A cella esquerda mide de longo 7,37 cm. e de ancha mide 0,40 cm. Do ollo está a 1 cm. e as dúas puntas están reviradas cara o interior.

AS ORELLAS.

As orellas están feitas de feltro. A parte de fóra das orellas están separadas.

O CORNO.

O corno ten o rizo do modelo tradicional.

As medidas do corno son:

Dende o punto máis alto ata o pano debaixo das orellas mide 30,50 cm.

O longo do faldón dende debaixo das orellas é de 22 cm.

O ancho da parte media dende á punta do rizo son 35,50 cm.

O rizo mide de ancho 8 cm. e de alto 7,50 cm. 

O bordo é do cor dourado de entre 0,80 cm. e 1 cm. de ancho. Na parte de atrás das orellas mide 4,50 cm. No faldón mide 6,70 cm. e na parte do corte en diagonal 6,70 cm. O triángulo por riba da cara mide de lado 8 cm. e de base 4,50 cm. A base non é en liña recta. Está pintado de cor azul con puntiños brancos.

 

LADO DEREITO.

O fondo é azul. O motivo principal son dúas flores da auga ou de seis pétalos. Os motivos tráenos as pegadas dunha cultura antiga na Galiza.

O pétalo que está cara arriba mide de longo 4,80 cm. O que está cara a dereita mide 6,40 cm. O seguinte cara abaixo mide 6 cm. O que está cara abaixo mide 5,70 cm. O primeiro a esquerda deste mide 5,70 cm. E o pétalo que queda mide 6,40 cm. De ancho miden sobre 1,70 cm.

Nos bordos dos pétalos predomina a cor verde e por dentro unha amálgama de cores: branco, azul, vermello, negro, verde e amarelo. 

Cara o rizo temos unha figura recta que mide de longo 4,50 cm. e de ancha 0,90 cm. As cores son as mesmas que teñen as flores. No rizo hai tres figuras verticais coas mesmas cores que a figura descrita anteriormente. A da esquerda ten unha pequena ondulación. De longa mide 5,90 cm. e de ancha mide 0,70 cm. A do medio mide de longo 5,60 cm. e de ancha 0,70 cm. A da dereita mide de longo 5,60 cm. e de ancho entre os 0,70 cm. e os 0,80 cm.

Tamén aparecen dúas estrelas feitas de puntiños. Unha é de cor amarela e outra é de cor vermella. A amarela ten un punto central desde onde arrincan oito raios, catro máis longos que miden de punta a punta entre os 6 cm. e os 5,60 cm. Os raios curtos miden de punta a punta entre os 4,10 cm. e os 4,60 cm. Na estrela vermella miden os raios longos de punta a punta entre os 5,60 cm. e os 6 cm. Os curtos miden entre os 4,10 cm. e os 4,60 cm. de punta a punta. No fondo aparecen puntiños brancos, estrelas, e 20 puntiños con dous raios cara arriba. Son de cor branca tamén.

LADO ESQUERDO.

O fondo é azul.Ten tres estrelas de tema principal. A estrela central é amarela de oito puntas. A medida dos lados varían de entre os 12,20 cm. aos 11 cm. Á dereita abaixo aparece unha estrela de cinco puntas de cor verde. A medida dos lados están entre os 2,10 cm. e os 2 cm. Á esquerda por riba da estrela amarela temos unha estrela vermella. Os lados miden entre os 2,10 cm. e os 1,90 cm. Por riba do rizo aparece unha figura ondulada que mide de longo 4,80 cm. de longo e 0,70 cm. de ancho. No rizo aparecen tres figuras en vertical. A da esquerda ten unha pequena ondulación e mide 4,90 cm. de longo e 0,70 cm. de ancha. A figura do medio mide 5,70 cm. de longa e 0,60 cm. de ancha. A figura da dereita mide de longa 6 cm. e de ancha 0,90 cm. Esta última é lixeiramente ondulada. Estas catro figuras teñen a mesma amálgama cores que as que aparecen no lado dereito do corno.

No fondo aparecen puntiños brancos, estrelas, por todo do fondo e 18 puntiños brancos con dos raios cara arriba.   

O PANO.

O pano é de cor vermello. Está aserrado cara os lados con triángulos de 1,50 cm. de lado e 1,50 cm. de base. A parte de abaixo está aserrada con triángulos máis grandes de 4 cm. de lado e 2,50 cm. de base a excepción do central que mide 3 cm. de base. De longo mide 47 cm. e de ancho 52 cm.

O picado é con pequenos rombos de 0,50 cm. de lado. Os rombos están distribuidos da seguinte maneira:

Dende o centro e coincidindo co centro do corte hai sete rombos en vertical. Á altura do segundo rombo, ollando cara abaixo, temos un rombo a cada lado. O da dereita está a 9,80 cm. e o da esquerda está a 10 cm. Á altura do cuarto rombo temos seis rombos, tres a dereita e tres a esquerda. O primeiro rombo da dereita está a 4,50 cm. do central. A 5 cm. deste anterior esta o segundo dos rombos e o terceiro está a 5 cm. do segundo. No lado esquerdo o primeiro rombo está a 4,50 cm. do central. A 4,50 cm. deste anterior esta o segundo dos rombos e o terceiro está a 5 cm. do segundo. Finalmente á altura do sexto rombo temos un rombo a cada lado. O da dereita está a 9,50 cm. e o da esquerda está a 10,80 cm.

O FLOCO.

O floco é de cor branco. Mide 35 cm. ao redor da cara. De longo mide 15 cm.   

A Pantalla pesa 651 gr.   

Corte do sombreiro da cara por dentro.

Número no cartón do corno por dentro.

Reforzo de papel por detro do bordo do corno.

Jesús Romero no centro de pé con sombreiro

Moitas gracias a Chus Romero e Chus pola acollida, pola conversa e por deixarme esta Pantalla que tanto significa na vida de Chus. Quixo Jesús Romero que a súa filla saíse con esta Pantalla a disfrutar da máscara polas rúas de Xinzo. Os meus parabéns por conservala tan ben. Que lle siga despertando lindos recordos cada vez que a vexa.

PANTALLA FEITA POR CESAR VIDAL PARA CARLOS MÍGUEZ BERNÁRDEZ. ANO 1970.

Esta Pantalla foi feita por César Vidal no ano 1970 para Carlos Míguez Bernárdez. César fixo naquela altura máis Pantallas porque como xa deixamos dito noutros artigos, conseguir unha máscara non era fácil. Quen facía Pantallas non facía moitas e sempre para familiares ou persoas moi achegadas.

Pouco antes do entroido do 2025 ía eu cara a Escola de Gaitas pola rúa Dous de Maio de Xinzo. Camiñaba uns pasos por diante de min un home cunha Pantalla na man. Apurei o paso para saber quen era e resultour ser o meu amigo e veciño cando nenos Jero Peláez Gómez. Viña de buscar a Pantalla que deixara a reparar no obradoiro do Santi. Saudámonos e falamos de Pantallas, claro. Gustou do proxecto no que andamos metidos e ofreceume dúas Pantallas para que publicase neste mesmo blog. Esta primiera Pantalla foi remozada no ano 2019 por Jero. Aprendeu Jero a facer Pantallas nos obradoiros que organizou a Asociación Trisquel nos anos noventa do século pasado. Na actualidade esta Pantalla está afectada pola couza e pasou uns días no conxelador. Jero quere volver a arranxala e iso é un xesto moi lindo pola súa parte, conservar unha Pantalla con anos é moi meritorio. De momento, e gracias a súa amabilidade, voulle facer un estudio-invenario para que quede constancia da súa existencia e que pase a formar parte da historia da nosa máscara.

A PANTALLA.

O perímetro da cara é de 28 cm. Da fronte ao queixo mide 22,50 cm. Ten a cor rosa que tanto se pintou nos anos oitenta e noventa do século XX.

A BARBA.

A barba sae da base das orellas. A barba é de cor negra. Ten unha patilla a cada lado da cara e a barba do queixo. Ten dúas correas que unen as patillas coa barba do queixo.

PATILLA DEREITA.

Ten un longo de 6,10 cm. A parte máis alta ata o floco mide 3,20 cm. A parte estreita da patilla, lado orella, mide 0,90 cm. A correa mide de longa 1,80 cm. e de alta mide 0,60 cm. A parte estreita da correa do lado da barba do queixo mide 0,60 cm.

PATILLA ESQUERDA.

Ten un longo de 8 cm. A parte máis alta ata o floco mide 3,40 cm. A parte estreita da patilla, lado orella, mide 1,20 cm. A correa mide de longa 1,30 cm. e de alta mide 0,50 cm. A parte estreita da correa do lado da barba do queixo mide 0,50 cm.

O QUEIXO.

De alto dende o floco mide 6,80 cm. De longo mide 9,20 cm. A barba está a 3,70 cm. da boca.

A BOCA.

A boca é de cor vermella e a pintura sobresae dos beizos. Ten de longa con pintura 6,20 cm. A abertura máxima con pintura é de 1,50 cm. O ancho do labio superior é de 1 cm. e do labio inferior é de 1,30 cm. O burato da boca ten 0,75 cm. de alto e de longo mide 2,60 cm. Parte do burato está tapado e esta parte tapada mide 0,90 cm. A distancia ao floco é de 11 cm. Ata o fondo do papo mide 13 cm.

O BIGOTE.

O bigote está pintado de cor negro. É longo. Está dividido en dous tramos. Están revirados cara arriba. O tramo dereito mide 4,30 cm. de longo e 0,40 cm. de ancho. Con relación á boca o lado máis cercano está a 0,30 cm. e dende a punta do bigote está a 0,80 cm. Do nariz está a 0,30 cm. O esquerdo mide 4,90 cm. de longo e 0,40 cm. de ancho. Con relación á boca o lado máis cercano está a 0,40 cm. e dende a punta do bigote está a 2,30 cm. Do nariz está a 0,30 cm.  

De punta a punta o bigote mide 9,50 cm. A distancia intermedia entre as dúas partes é de 0,30 cm.

OS COLORETES. 

Os colorentes son vermellos. Teñen de diámetro 1,10 cm. o colorete dereito e 1,20 cm. o colorete esquerdo. A separación entre eles é de 4,90 cm. A separación da base do nariz do colorete dereito é de 1,10 cm. e do ollo está a 0,70 cm. No colorete esquerdo a separación da base do nariz é de 1,20 cm. e do ollo está a 0,80 cm.

O NARIZ.

O nariz é triangular dun só burato pintado de vermello. O nariz mide de longo 3,30 cm. De alto mide 1,60 cm. ata a base. De ancho mide 3,50 cm. O burato do nariz na parte de arriba está tapado polo que o burato é pequeno. Mide de ancho 1 cm. e de alto mide 0,40 cm. De groso mide 1,30 cm. na punta do nariz e nos lados mide 1 cm. Ten pintado de vermello a parte frontal e sobresae a pintura do nariz.

OS OLLOS.

O ollo dereito mide de longo con pintura 4,50 cm. De alto mide 2,70 cm. coa pintura. O burato mide de longo 3 cm. e de alto mide 1,50 cm. O ancho da pálpebra de arriba é de 0,70 cm. Ten 10 pestanas. O ancho da pálpebra de abaixo é de 1 cm. e ten 10 pestanas. 

O ollo esquerdo mide de longo con pintura 4,50 cm. De alto mide 2,70 cm. coa pintura. O burato mide de longo 2,70 cm. e de alto mide 1,60 cm. O ancho da pálpebra de arriba é de 0,70 cm. e ten 9 pestanas. O ancho da pálpebra de abaixo é de 1 cm. e ten 9 pestanas. 

AS CELLAS.

Son de cor negras. Están pintadas por todo o bordo da parte superior do ollo e pegadas ás pestanas.

A cella dereita mide de longo 5,50 cm. e de ancha mide 0,20 cm. 

A cella esquerda mide de longo 6,17 cm. e de ancha mide 0,30 cm. 

AS ORELLAS.

As orellas están feitas de feltro e pola parte interior están cosidas e empapeladas. A parte de fóra das orellas están separadas.

O CORNO.

O corno ten o rizo do modelo antiguo.

As medidas do corno son:

Dende o punto máis alto ata o pano debaixo das orellas mide 29 cm.

O longo do faldón dende debaixo das orellas é de 24 cm.

O ancho da parte media dende á punta do rizo son 34,50  cm.

O rizo mide de ancho 8 cm. e de alto 5 cm. 

O bordo é do cor branco de entre 0,50 cm. e 0,60 cm. de ancha. Na parte de atrás das orellas mide 1,30 cm. No faldón mide 1,20 cm. e na parte do corte en diagonal 3,90 cm. O triángulo por riba da cara mide de lado 6 cm. e de base 4,50 cm. 

LADO DEREITO.

O fondo é negro. Ten moitos puntiños brancos pequenos, estrelas, e 19 puntiños máis grandes de entre os 0,50 cm. e os 0,60 cm. de diámetro. Abaixo á dereita temos un círculo branco de 1,80 cm. de diámetro. Máis arriba á esquerda un círculo branco máis grande de 4,50 cm. de diámetro. No rizo outro círculo branco de 2,30 cm. de diámetro. No fondo á esquerda unha figura estelar cun círculo branco no centro de 2 cm. de diámetro con pequenos raios ao redor do círculo. Saen catro raios grandes e en dous casos os raios ramifican. Empezando polo da esquerda, ten un longo de 5,40 cm. e o que ramifica nun raio que se xira cara si mesmo de 2,50 cm. de longo. Por riba temos un raio de 6 cm. de longo. Á dereita deste un raio temos outro de 4,90 cm. de longo. O último mide 6 cm. e a ramificación mide 4,60 cm. Cerca do rizo tamén parecen dúas liñas que se cruzan. Unha máis grande de 6,20 cm. de longa e 0,70 cm. de ancho na punta grande e 0,10 cm. na punta pequena. Esta liña está atravesada por outra que é máis pequena a 1,10 cm. da punta grande. De longa mide 4,30 cm. e de ancha 0,20 cm. na punta menos ancha e 0,40 cm. na punta máis ancha. 

LADO ESQUERDO.

O fondo é negro. Ten moitos puntiños brancos pequenos, que como vimos son estrelas, e 12 puntiños máis grandes de entre os 0,40 cm. e os 0,50 cm. de diámetro. No centro temos un círculo branco de 2,60 cm. de diámetro. Por riba á dereita un círculo branco de 1,10 cm. de diámetro. Á esquerda deste máis arriba un círculo branco de 1,60 cm. de diámetro. Cara a dereita temos unha lúa que de punta a punta mide 8,50 cm. A parte máis ancha mide 2,20 cm. No rizo temos outra figura estelar que ten un círculo de 2,20 cm. de diámetro. Na parte de arriba do círculo e a cada lado ten dúas liñas. A da dereita mide 1,70 cm. e a da esquerda mide 1,30 cm. Entre as liñas sae un raio que se ramifica. O raio central mide de longo 7,90 cm. O raio que ramifica á dereita mide 3 cm. e o que ramifica a esquerda mide 1 cm.

O PANO.

Non ten pano.

 O FLOCO.

O floco é de cor negro. Mide 29 cm. ao redor da cara. De longo mide 10 cm.   

A Pantalla pesa 693 gr.

Interior da cara cos cortes e os cosidos.

Gracias a Jero por prestarme a Pantalla e facilitarme a información sobre ela. Tamén estou agradecido porque se ofreceu a colaborar no que necesitemos. Seguro que chegado o momento si que necesitaremos esa axuda. 

Gracias a Guillermo Campero pola preciosa foto que acompaña a este artigo e a información que me deu sobre a Pantalla que leva na man.

Gracias a Gude e a Carmen Cuquexo pola información da foto na que sae Cesar Vidal.

De esquerda a dereita, Zalo Dacal, Guillermo Campero e Carlos Míguez.
Están ao lado da tenda da Emilita, a mai da Lola Peláez.

   

                   Salvita, Toño Usera, CESAR VIDAL, Casiano Álvarez e Rafael Laso.
Anicados Lochas, Barge e Milo.   

PANTALLA FEITA POR RAQUEL RODRÍGUEZ MÉNDEZ PARA O SEU FILLO JORGE JUAN SÁNCHEZ RODRÍGUEZ.

Despois da obrigada corentena para desfacerse da bichería que está afectando a esta linda Pantalla, podo empezar a facer o estudo. A Pantalla fixoa Raquel Rodríguez Méndez para o seu fillo Jorge Juan Sánchez Rodríguez. Jorge coméntame que a Pantalla debe ser de entre os anos 1969 e 1971. A día de hoxe vamos a poñerlle que ten uns 55 anos. A Pantalla estivo na rúa con Jorge durante 4 ou 5 anos seguidos e eventualmente dúas ou tres veces en anos alternos. 

Raquel vestindo o traxe de Pantalla. Anos 50 do século pasado.

Xa falei neste blog da Pantalla que fixo Raquel Rodríguez Méndez para a súa neta Raquel aportando algúns datos da maneira en que esta muller viviu o entroido e o moito que lle debe o mundo da nosa máscara. Vai seguir estando presente neste blog con outras partes do traxe da Pantalla que Jorge ten aportado para que coñezamos e disfrutemos.

A aportación de Raquel axudou a que a Pantalla de Xinzo non desaparecese e que chegase ata nós. O meu persoal recoñecemento a Raquel Rodríguez Méndez polo seu fermoso traballo. Recoñecemento que me atrevo a facer en nome de todos os que amamos esta máscara.

A PANTALLA.

O perímetro da cara é de 33 cm. Da fronte ao queixo mide 26 cm. Ten a cor rosa que tanto se pintou nas Pantallas.

A BARBA.

Nace por debaixo das orellas. A barba é de cor negra. Ten unha patilla a cada lado da cara e a barba do queixo. 

PATILLA DEREITA.

Ten un longo de 11,10 cm. A parte máis alta ata o floco mide 2,80 cm. A parte estreita do queixo mide 0,80 cm. 

PATILLA ESQUERDA.

Ten un longo de 9 cm. A parte máis alta ata o floco mide 3 cm. A parte estreita do queixo mide 0,70 cm. 

O QUEIXO.

De alto dende o floco ten 5,10 cm. De longo mide 9 cm. A barba está a 4,60 cm. da boca.

A BOCA.

A boca é de cor vermella e a pintura sobresae dos beizos. Ten de longa con pintura 6,30 cm. A abertura máxima con pimtura é de 1,90 cm. O ancho do labio superior mide 0,70 cm. e do labio inferior mide 0,30 cm. O burato da boca ten 0,5 cm. de alto e de longo mide 5,60 cm. A distancia ao floco é de 8,60 cm. Ata o fondo do papo mide 10 cm.

O BIGOTE.

O bigote está pintado de cor negro. Está dividido en dous tramos. Están pintados nuns trazos ascendentes. O dereito mide 3 cm. de longo e 0,40 cm. de ancho. Con relación á boca o lado máis cercano está a 0,20 cm. e o que está máis lonxe está a 1,20 cm. O esquerdo mide 3 cm. de longo e 0,50 cm. de ancho. Con relación á boca o lado máis cercano está a 0,20 cm. e o que está máis lonxe está a 1,50 cm. 

De punta a punta o bigote mide 6,50 cm. A distancia intermedia entre as dúas partes é de 0,50 cm.

OS COLORETES. 

Os colorentes son vermellos. Teñen de diámetro 1,40 cm. A separación entre eles é de 5,90 cm. A separación da base do nariz do colorete dereito é de 1,80 cm. e do ollo está a 1,50 cm. No colorete esquerdo a separación da base do nariz é de 1,70 cm. e do ollo está a 1,30 cm.

O NARIZ.

O nariz é circular e ten pintado de vermello a parte frontal. O nariz mide de longo 3,60 cm. De alto mide 1,60 cm. ata a base. De ancho mide 2,80 cm. O burato do nariz mide de ancho 1,90 cm. e de alto mide 0,90 cm. De groso mide 0,80 cm. na punta do nariz e nos lados mide 0,60 cm. 

OS OLLOS.

O ollo dereito mide de longo con pintura 5,10 cm. De alto mide 3,80 cm. coa pálpebra de arriba. O burato mide de longo 4,30 cm. e de alto mide 3,30 cm. O ancho da pálpebra de arriba é de 0,90 cm. Non ten pestanas. O ancho da pálpebra de abaixo é de 0,50 cm. sen pestanas. 

O ollo esquerdo mide de longo con pintura 4,60 cm. De alto mide 4 cm. coa pálpebra de arriba. O burato mide de longo 4 cm. e de alto mide 3,40 cm. O ancho da pálpebra de arriba é de 0,90 cm. Non ten pestanas. O ancho da pálpebra de abaixo é de 0,60 cm. sen pestanas. 

AS CELLAS.

Son de cor negro. Están pintadas polo bordo da parte superior do ollo.

A cella dereita mide de longo 7,50-7,80 cm. e de ancha mide 0,70 cm. Está a 0,20 cm. do ollo.

A cella esquerda mide de longo 7 cm. e de ancha mide 0,50 cm. Está a 0,20 cm. do ollo.

AS ORELLAS.

As orellas están feitas de feltro e pola parte traseira está totalmente separada. A orella esquerda está moi deteriorada e desprendida do corno.

O CORNO.

O corno ten o rizo do modelo primitivo.

As medidas do corno son:

Dende o punto máis alto ata o pano debaixo das orellas mide 27,85 cm.

O longo do faldón dende debaixo das orellas é de 24,50 cm.

O ancho da parte media dende á punta do rizo son 39 cm.

O rizo mide de ancho 9,50 cm. e de alto 5 cm. 

O bordo é do cor prateado de entre 0,50 cm. e 0,70 cm. de ancha. Non está pintado pola parte de atrás das orellas. No faldón non ten bordo. O corte mide de ancho sen pano de base 3,70 cm. e 5,60 cm. de lado. Métese lixeiramente cara dentro.

Ten o fondo de cor negro e non ten bordo que o separe da cara. O bordo por arriba fai a forma dun M maiúsculo. A pata da esquerda do M mide 4,46 cm, cara a dereita mide 3,87 cm. máis a dereita mide 3,87 e finalmente a pata da dereita mide 5,31 cm. A base mide 8 cm.

 

LADO DEREITO.

O fondo é de cor negro. Ten pintadas liñas horizontais de cor dourada e liñas verticais de cor prateada.

As liñas verticais van intercaladas entre as liñas horizontais.

A disposición é a seguinte:

LADO ESQUERDO.

O fondo é de cor negro. Ten pintadas liñas horizontais de cor dourada e liñas verticais de cor prateada.

As liñas verticais van intercaladas entre as liñas horizontais.

A disposición é a seguinte:

O PANO.

O pano é de cor azul. A parte de abaixo está aserrada con cortes de 2,30 cm. de lado. De longo mide 62,50 cm. e de ancho 91 cm. 

O picado está composto por 2 tipos de figuras. Temos un grupo de 4 figuras picadas máis grandes que en vertical de arriba a abaixo son: un círculo de 2,70 cm de diámetro, debaixo un rombo de 2,75 cm. de lado, outro círculo de 2,80 cm. de diámetro e finalmente un rombo de 2,42 cm. de lado. Este tipo de picado repítese 7 veces intercalado entre o picado de figuras máis pequenas.

O segundo tipo de picado ten 5 figuras máis pequenas que de arriba a abaixo son: un rombo que mide 2,60 cm. de ancho e 1,35 cm. de alto, un triángulo invetido de 2,50 cm. de base e 1,88 cm. de lado, un triángulo igual que o anterior, outro rombo de 2,28 cm. de ancho e 1,90 cm. de alto e por último un triángulo invertido de 2,10 cm. de base e 2 cm. de lado. Este tipo de picado repítese 8 veces. 

No bordo do pano dereito e esquerdo ten a metade do picado dos catro buratos en formas de rombos e círculos.

O FLOCO.

O floco é de cor dourado. Mide 35 cm. ao redor da cara. De longo mide 5 cm.   

A Pantalla pesa 617 gr.

Corte do sombreiro e reforzos.

Escrito no interior do corno.

Debuxo a lapis no interior do corno.

Novamente moitas grazas a Jorge por deixarme a min e ao grupo disfrutar desta maravillosa Pantalla e por estar sempre disposto a contestar as preguntas que continuamente nos xorden. 

Muito obrigado!!!